2019 12 22台北公舘教會 聖誕聯合讚美禮拜讚美主日學 安靜馬槽的頌歌 著有愛 耶穌基督之出世記佇下面：祂之老母馬利亞已經定著欲嫁互約瑟。總是，約瑟仍未娶她以前，卻聽講她從聖神懷孕之事。因為約瑟是一位義人，他愛將此個代誌公開，想欲暗暗阿及她解除婚約。當他猶啲考慮之時，有主之天使佇他之眠夢中出現，對他講：「約瑟，大衛之後裔啊！無得驚，你著娶馬利亞入門做你之某，因為她所懷之孕是從聖神來的，她欲生一個子，你著叫祂之名做『耶穌』，因為祂欲救祂之百姓脫出之罪惡。」此個事攏成，是欲應驗主託先知所講的，「彼個在室女欲懷孕生子，欲叫祂之名『以馬內利』，意思就是『上帝及咱佇啲』。」約瑟睏醒，起來，照主之天使所命令去行，娶馬利亞過門做某；無及她同房，到她生子，就叫祂之名做耶穌。 ★安靜馬槽的頌歌 靜，靜，靜，來看細子真恬靜。馬利亞溫柔啲搖嬰兒，天使輕聲稱讚吟詩。 靜，靜，靜，來看細子真恬靜。靜，靜，靜，恁豈聽見落雪之聲音？ 萬物恬靜，全地攏安眠；聖潔星辰忠實守更。靜，靜，靜，恁豈聽見落雪之聲音？ 美妙主耶穌，出世佇馬槽裡，上帝同在，以馬內利。萬國之盼望，萬國之喜樂，祢是我之榮光君王。 靜靜睏。我所愛之寶貝緊睏。我今用雙手溫柔抱祢。祢就安穩佇我身邊。 靜靜睏。我所愛之寶貝，緊睏。我所愛之寶貝，緊睏。靜靜睏。寶貝緊睏。

2019 12 22台北公舘教會聖誕聯合讚美禮拜讚美主日學 安靜馬槽的頌歌


December 22, 2019 at 06:39PM