2019 12 22台北公舘教會 聖誕聯合讚美禮拜讚美聖歌隊 快樂聚集吟聖誕 著有活命 今願所有先知之信心，聖經中之盼望，聖子基督之平安，祂之父母之愛疼，牧者之喜樂，博士之卬愕，節期之恩典，永遠之活命，佇此個聖誕之時歸佇恁。 願大權能上帝，聖父、聖子及聖神，佇恁中間直到永永遠遠。 ★快樂聚集頌聖誕 普天同慶，主臨世界。全地迎接君王。大家為主備辦所在；宇宙萬物尊崇，宇宙萬物尊崇，宇宙，宇宙萬物尊崇。普天同慶，救主掌權。世人攏著唱歌；田野江河山嶺平原；歡喜之聲無息，歡喜之聲無息，歡喜，歡喜之聲無息。 至聖嬰仔，謙卑嬰仔，祂有出世佇馬槽；牛羊啲吼，攏未識，主基督萬主之主。天使展翅，吟詩歡喜，讚美齊聲，實在好聽；「主基督萬主之主。」 平安暝，聖誕暝！真安靜，真光明。光照老母亦照嬰孩。真溫純又真正可愛，上帝賞賜安眠。上帝賞賜安眠。平安暝，聖誕暝！眾牧者真驚惶。忽然天頂真光映映。天軍吟講，「哈利路亞！基督救主降生！基督救主降生！」 請聽天使大歡喜之聲，是欲報好消息互卑微之牧者；佇曠野啲顧守羊群，佇寒冷冬天暗暝真殷勤。歡喜，歡喜，歡喜，歡喜，天國君王今日出世。 著聽天使啲吟講，「榮光歸佇新生王；地上和平人受恩，上帝罪人閣親近！」世間逐國著奮起。參加天軍來歡喜。著及天使鬥聲明，「基督降生伯利恆！」著聽天使啲吟講，「榮光歸佇新生王！」「榮光歸佇新生王！」 著有盼望！著有平安！著有仁愛！快樂和諧！咱著來作樂！咱著來唱歌！來慶祝聖誕！

2019 12 22台北公舘教會聖誕聯合讚美禮拜讚美聖歌隊 快樂聚集吟聖誕


December 22, 2019 at 06:40PM