2018 12 23台北公舘教會聖誕節讚美禮拜 讚美聖歌隊 等候 指揮: 紀華冠 老師 鋼琴: 李敦華 老師 曲解資料整編:陳嘉崇執事 咱今聚集佇遮來備辦主欲來之路。 咱欲來相及回想，當上帝用嬰仔之樣相降臨此世間。 咱相及來敬拜主，閣來慶祝祂賞賜咱新之活命。 咱著懇求上帝互咱更新體驗著祂之同在。這就是基督 出世之真正意義。天使給咱講: 他的名欲叫做「以馬 內利」就是「上帝及咱佇啲。」 上帝及咱永遠佇啲。咱著迎接祂之神進入咱的內心， 咱就會體會上帝同在之安慰及氣力。 基督降臨此世間以前，上帝之百姓等候主之降臨已經 幾若世紀了！今，咱等候~ 等候上帝，當咱啲聽此個 聖誕神蹟之故事之時，祂之神會運行佇咱中間。 詩人安呢講: 見若等候耶和華，尋求祂者，祂欲施恩 互他，盼望耶和華之拯救，靜靜等候，這是好的。 (音樂開始) 來啊! 咱著恬靜佇主面前，耐心等候祂。 等候 Waiting 等候，我啲等候主。等候，我啲等候主。 充滿阮到尋著祢真光，祢真理。 等候，我啲等候主。等候，我啲等候主。 充滿阮到尋著祢真道，祢旨意。 今互阮之主的臨在，以馬內利，上帝同在。 阮用全心來迎接祢，以馬內利，上帝同在。 上帝同在，以馬內利。今阮啲聽，主啊! 阮啲聽，今阮啲聽，主啊! 阮啲聽。 近倚，互阮聽祢賜阮之話。 今互阮知主之臨在，以馬內利，上帝同在。 阮用全心來迎接祢，以馬內利，上帝同在。 上帝同在，以馬內利。 主啊! 請賜阮耐心。當阮求，賜阮信心， 祢啲聽，祢啲聽。今阮等候，阮啲等候， 等候。

2018 12 23台北公舘教會聖誕節讚美禮拜讚美聖歌隊 等候


December 23, 2018 at 07:47PM