2017.04.23 台北公教會吳慧馨牧師就任教育牧師授職感恩禮拜 聖詩 第552首大家勇敢同齊腳步 1.大家勇敢同齊腳步，雖然經過烏暗路， 咱的頭前遙遠路途有咱救主啲保護； 星啲導路燦爛光明，攑頭看伊來進前。 【複歌】倚靠上帝好膽進前，著進前，著進前，倚靠我主來進前。 2.功名富貴放佇後面，專心為主來精進， 為著正義應該勇猛，修整戰甲來進前； 無靠勢力，無靠本事，倚靠全能咱的主。 3.莫互名聲、人情、勢力引誘、纏絆及迷惑， 聽趁命令向主正路，無趁世間的法度； 屬世私慾以及虛榮應該攏總除到清。 4.咱若專心行主正路，真實跟隨主耶穌， 到尾福氣、平安、歡喜，主欲賜咱到滿意； 咱著時常同齊腳步，勇敢經過烏暗路。

2017 04 23台北公教會吳慧馨牧師就任教育牧師授職感恩禮拜聖詩 第552首大家勇敢同齊腳步 會眾


April 23, 2017 at 08:47PM